Damondas ed annunzias da baghegiar ein da tschentar agl uffeci da baghegiar dalla vischnaunca da Breil sut www.ebau.gr.ch.
Annunzias da baghegiar (damondas pintgas) ston buca vegnir publicadas el fegl ufficial dalla Surselva. En certs cass sto denton la polizia da fiug dar la lubientscha.
Damondas grondas vegnan publicadas el fegl ufficial dalla surselva duront 20 dis e silsuenter tractau dalla cumissiun da baghegiar sco era dalla suprastonza communala.
Per ulteriur sclariment supplichein nus da contactar igl uffeci da baghegiar.
Annunzias da baghegiar (damondas pintgas)
Exempels per damondas pintgas:
- manteniment
- midadas en casa
- remplazzament da finiastras / remplazzament dad eschs (sch'ei dat neginas midadas)
- purificaziun da fatschadas
- sanaziun da tetgs
- casettas da curtgin etc. tochen 5 m3
Ulteriuras damondas pintgas ein sil formular d'annunzia
Damondas grondas
Exempels per damondas grondas:
- construcziuns aultas (casas dad ina ni pliras famiglias, menaschis d'economia, baghetgs da commerci, Hotels...)
- baghetgs annex - engrondiment da baghetgs existents - garaschas, remisas, parcadis
- midadas vid la fatschada
- novas finiastras / niev esch
- engrondiment da finiastras
- balcuns / terrassas
- scalas vid baghetgs / seivs
- curtgin d'unviern
- construcziuns ordeifer la zona da baghegiar, che ston vegnir lubi dil cantun
