Vischnaunca Breil/Brigels
Damondas ed annunzias da baghegiar –niev process per l'inoltraziun
La plazza dil menader/dalla menadra digl uffeci da baghegiar da Breil ei el mument vacanta. Per l’examinaziun e la tractaziun dallas damondas da baghegiar lavura la vischnaunca da Breil da niev ensemen cun in biro extern: Stauffer & Studach Raumentwicklung.
Inoltraziun ed exposiziun
Damondas ed annunzias da baghegiar duein vegnir registradas ed inoltradas naven dils 14 da settember 2026 directamein sur la plattafuorma digitala eBau (www.ebau.gr.ch).
La quittanza (Eingabequittung) per la registraziun dil project ei da squitschar, suttascriver e tarmetter agl uffeci da baghegiar ensemen cun duas copias dils plans. La tractaziun dalla damonda ni annunzia suonda suenter la retschevida dalla quittanza suttascretta. Quei agir duei simplificar la procedura pils fatgs da baghegiar.
Exposiziun publica
L’exposiziun publica dils fatgs da baghegiar ha liug sco tochen da cheu tier l’administraziun communala duront las uras da spurtegl. L’investa publica cuoza sco usitau 20 dis tenor la publicaziun el Fegl ufficial Surselva.
Contact e sustegn
Per damondas e sustegn ei il biro da baghegiar contonschibels sut l’adressa dad e-mail: baghegiar@breil.ch.
Per ulteriuras informaziuns stein nus bugen a Vossa disposiziun.
