Restricziuns temporaras

02-07-2026
Vischnauncas Breil/Brigels e Trun
Serrada dalla via – Sanaziun Punt Val Plaunca

En connex cun la sanaziun dalla Punt Val Plaunca vegn la via communala Capeder – Schlans serrada naven dils 17 d'uost 2026 entochen ca. miez november 2026 per tut il traffic. Per pedunzs e velocipedists vegn mess a disposiziun ina punt auxiliara. Il sviament succeda sur la via cantunala Trun – Danis.

Nus engraziein per la capientscha.

08-05-2026
Serrada dalla senda da viandar entuorn il lag da Pigniu

Quest'jamna ei la part dil grep sur la senda da viandar entuorn il lag da Pigniu vegnida schubergiada. Duront las lavurs da schubergiar il grep sto la situaziun vegnir giudicada da niev entras in geolog. Entochen lu resta la senda da viandar serrada entochen dacheu. Ei vegn montau signalisaziuns entuorn il lag.

L'autra jamna vegn la situaziun giudicada ensemen cun in geolog ed informau aschi spert sco pusseivel.

06-05-2026
Meglieraziun generala Breil vitg, lavurs da bagheigar 2026 

Via Val Salisch e Via Prau Migiur – Rasuz:
Entschatta matg cuntinueschan las lavurs da construcziun vid la Via Val Salisch cun baghegiar en ils vials da betun. Talas lavurs cuozzan prevedentamein entochen la fin zercladur. Duront quei temps eis ei da quintar cun restricziuns da traffic.

Entschatta fenadur entscheivan las lavurs vid la via Prau Migiur – Rasuz. Era leu eis ei da quintar cun restricziuns da traffic muort construcziun dalla punt e dils vials da betun.

Via Alp Quader:
Il tschancun denter Cudé e la stalla si Alp Quader vegn baghegiaus ora. Entschatta matg succedan sco emprem las lavurs dil plaz si avon stalla. Naven d’entschatta zercladur entochen la fin october sespleigan las lavurs vid la via. Duront quei temps ei la via serrada per tut traffic. Traffic en connex cun l’alpegiaziun ei pusseivla tenor cunvegna cun la survigilonza da baghegiar.

Pil traffic turistic vegn endrizzau e signalisau in parcadi all’entschatta dil project da via.
Per damondas stat il survigilader da construcziun Dario Capaul, Cavigelli inschigniers SA, 081 920 09 20, bugen a disposiziun.

Cumissiun da meglieraziun Breil Vitg