Damondas da baghegiar ein da tschentar agl uffeci da baghegiar dalla vischnaunca da Breil.
Damondas pintgas ston buca vegnir publicadas el fegl ufficial dalla Surselva. Sche la damonda ei cumpletta e tut ei avon maun vegn la damonda tractada alla suprastonza communala. En certs cass sto denton la polizia da fiug dar la lubientscha.
Damondas grondas vegnan tractadas sco emprem dalla cumissiun da baghegiar. Sche la damonda ei cumpletta e la cumissiun da baghegiar ha dau la lubientscha vegn la damonda publicada el fegl ufficial dalla surselva duront 20 dis. Sche neginas protestas vegnan inoltradas sa la sprastonza silsuenter tractar la damonda (sche tut las lubientschas dil cantun ein avon maun).
Per ulteriur sclariment supplichein nus da contactar igl uffeci da baghegiar.
Damondas pintgas
Exempels per damondas pintgas:
- manteniment
- midadas en casa
- remplazzament da finiastras / remplazzament dad eschs (sch'ei dat neginas midadas)
- purificaziun da fatschadas
- sanaziun da tetgs
- casettas da curtgin etc. tochen 5 m3
Ulteriuras damondas pintgas ein sil formular d'annunzia
Damondas grondas
Exempels per damondas grondas:
- construcziuns aultas (casas dad ina ni pliras famiglias, menaschis d'economia, baghetgs da commerci, Hotels...)
- baghetgs annex - engrondiment da baghetgs existents - garaschas, remisas, parcadis
- midadas vid la fatschada
- novas finiastras / niev esch
- engrondiment da finiastras
- balcuns / terrassas
- scalas vid baghetgs / seivs
- curtgin d'unviern
- construcziuns ordeifer la zona da baghegiar, che ston vegnir lubi dil cantun
