Teater a Vuorz "150 onns Chor mischedau da Flond"
La primavera 2026 ha il Chor mischedau da Flond festivau siu 150avel anniversari. A caschun da quella festivitad ha l’uniun da teater Vuorz inscenau in teater cun diversas scenas che han raquintau dalla fundaziun dil chor e dalla historia dalla vischnaunca sursilvana. Las acturas ed ils acturs han accumpignau il program dil Chor mischedau da Flond, ch’ei vegnius sustegnius per quella festivitad dall’uniun da cant Vuorz. Ils resuns positivs han motivau l’uniun da cant e l’uniun da teater Vuorz da presentar l’inscenaziun in’ulteriura ga allas convischinas ed als convischins da Vuorz.