Seduta dil cussegl da vischnaunca dils 26-03-2026
Gievgia, ils 26 da mars 2026 ha giu liug la secunda seduta dil cussegl da vischnaunca a Breil.
Il cussegl da vischnaunca ha priu ils suandonts conclus:
- Il cussegl da vischnaunca ha eligiu las persunas proponidas ella cumissiun da baghegiar, ella cumissiun lavur da giuventetgna sco era ella cumissiun da meglieraziun (2026-2029).
- Il cussegl da vischnaunca ha augmentau il pensum dil menader da scola naven da 60% sin 80% naven dil proxim onn da scola 2026/2027 (1. d’uost 2026).
- Il cussegl da vischnaunca ha concediu in credit d’impegn ella summa da frs. 274’000.- (rundau si) per la midada d’utilisaziun tier il tschaler da schurmetg, situaus tier la scola a Breil.
Questa fatschenta vegn aunc suttamessa al referendum facultativ (art 21 constituziun communala)
- Il cussegl da vischnaunca ei vegnius informaus davart il project pil svilup dalla organisaziun communala e ha en quei connex eligiu ina cumissiun preparatorica che elaborescha ils acts el rom da quei project.
Dapli informaziuns tier las fatschentas ein indicadas el messadi per mauns da questa seduta:
Radunonza dil cussegl da vischnaunca dils 26-03.2026
Breil, ils 27 da mars 2026
Suprastonza communala
