Vischnaunca Breil/Brigels

Informaziun incendi dils 11-03-2026

Nus lein engraziar als pumpiers da Breil e Flem sco era als survetschs da salvament, als First Responders, alla Polizia cantunala GR ed a tut las ulteriuras persunas che han gidau, per lur grond engaschament a Breil vitg ils 11.03.2026. Quei mereta grond respect e nossa sincera renconuschientscha. Entras quei engaschi eisi reussiu d’evitar, ch’il barschament ha pigliau las casas vischinontas.

Treis persunas ein vegnidas blessadas. Duas persunas ein vegnidas transportadas el Spital regiunal Surselva a Glion cun suspecta sin tussegaziun entras gas da fem. Muort las pli grevas blessuras dalla tiarza persuna ei in’equipa dalla Rega vegnida alarmada, la quala ha sgulau la persuna el Spital universitar a Turitg.

Nus giavischein a tuts da cor in bien e spert migliurament.