anavos davosa annunzia
Tests dallas sirenas 2023

Vischnaunca Breil/Brigels

Tests dallas sirenas 2023

Mesjamna, ils 01 da fevrer 2023, ha liug ell’entira Svizra il test annual dallas sirenas. Igl “alarm general” vegn fatgs allas 13.30 uras e 13.45 uras ed igl “alarm d’aua” succeda allas 14.15 uras e 15.00 uras. Cun ils tests dallas sirenas vegn d’ina vart la funcziun dallas sirenas controllada e da l’autra vart sa la populaziun emprender d’enconuscher ils differents signals d’alarm, cun ils quals ella vegn alarmada en cass da prighel acut.

1. Alarm general
Igl “alarm general” vegn daus entras in telecamond dalla centrala d’alarm e d’acziuns dalla polizia cantunala allas 13.30 uras e supplementarmein allas 13.45 uras cun las sirenas dalla protecziun civila. Ei setracta d’in tun che va regularmein si e giu e che cuoza ina minuta.


2. Alarm d’aua
Igl “alarm d’aua” vegn daus cun las sirenas d’alarm d’aua allas 14.15 ed 15.00 uras. Ei setracta d’in tun bass, ch’ei interruts regularmein e cuoza sis minutas. Igl alarm d’aua resuna mo egl intschess da mirs da fermada. Dils plans da fuigia san ins prender investa tier las vischnauncas.


Ulteriuras informaziuns e reglas da secuntener:

Bundesamt für Bevölkerungsschutz BABS
Alertswiss-Website
Teletext der SRG-Sender, Seiten 680 und 681
Cudisch da telefon


Per damondas ed ulteriur sclariment stat l’administraziun communala bugen a Vossa disposiziun.


Administraziun communala Breil