anavos davosa annunzia
Novitads en connex cul virus da corona

Vischnaunca Breil/Brigels

Novitads en connex cul virus da corona

 

Breil, ils 06-05-2020

Avertura dil spurtegl dall’administraziun communala

Il spurtegl dall’administraziun communala ei naven da gliendisdis, ils 18 da matg 2020 puspei aviarts sco usitau. Nus supplichein denton la populaziun da far schi bia sco pusseivel vinavon sur la via electronica.

Documents, ch’ein mo da dar giu all’administraziun ein da metter en scaffa da brevs giusut.

Nus supplichein da prender enconuschientscha ed engraziein per Vossa capientscha.



Breil, ils 24-03-2020

Purschidas en Surselva

Tuttas purschidas dil commerci e dalla gastronomia en Surselva en fuorma da carta anfleis Vus sut:
www.surselva.shop respectiv www.grhome.ch



Breil, ils 18-03-2020


Breil, ils 16-03-2020

Disoccupaziun

Annunzias en connex cun disoccupaziun vegnan pridas encunter pil mument mo per telefon
(081 920 10 30).
Nus tarmettin a Vus a casa ils formulars per suttascriver.

Sche Vus essas pertuccai da lavur cuorta: (Vus haveis aunc in contract da lavur, saveis denton buca luvrar ord motiv dil virus da corona) Vies patrun sto annunziar quei al cantun. L’annunzia per la disoccupaziun sa vegnir fatga cu il contract da lavur ei a fin sco usitau tier la vischnaunca.

Il formular per encurir lavur «Nachweis der persönlichen Arbeitsbemühungen» anfleis Vus sut il suandont link. Nus cussegliein dad encurir schi baul sco pusseivel lavur.
https://www.arbeit.swiss/secoalv/de/home/service/formulare/formulare-fuer-arbeitslose.html


Breil, ils 16-03-2020

Il spurtegl resta muort Virus da corona serraus

Muort il virus da corona resta nies spurtegl ad interim serraus.
Per cass urgents saveis Vus far giu in termin cun nus (081 920 10 30 ni info@breil.ch).

Documents, ch’ein mo da dar giu, supplichein nus da metter en scaffa da brevs (dretg tier l’entrada principala).