Historia ed uoppen

Historia

La historia scretta dalla vischnaunca da Breil nova entscheiva per tuttaas tschun fracziuns igl onn 765. Da quei temps era Currezia in stadi ecclesiastic fetg spatitschaus. La famiglia dils Zaccons / Victorids menava quei stadi. Ella metteva il preses ed igl uestg ed exequeva aschia a medem temps la pussonza seculara ed ecclesiastica. Ils 15 da december 765 ha igl uestg Tello regalau ses beins en Surselva alla giuvna claustra da Mustér. La descripziun detagliada furnescha enconuschientschas impurtontas davart il stadi dalla cultivaziun dil terren, la colonisaziun e la cumposiziun dalla populaziun.

Il zercladur 2017 han las treis vischnauncas dad Andiast, Breil e Vuorz decidiu da fusiunar cun l’entschatta digl onn 2018. Ord las treis vischnauncas dat ei ina vischnaunca che secumpona da tschun fracziuns.

La historia da mintga vitg anfleis vus directamein sut il vitg.

 

Igl uoppen

Igl uoppen niev sesprova da render quen alla cumposiziun dalla vischnaunca. El consista dils suandonts elements: sulegl el tschiel blau (proposta d’Andiast), in casti (propsta da Vuorz) e la cadeina dils Cavistrai (proposta da Breil). Ord quellas propostas ha il heraldicher formau igl uoppen ed argumentau sco suonda: Sin funs blau glischa il sulegl sur la cuntrada cun sias fracziuns che secattan sin collinas suleglivas en ina cuntrada muntagnarda. Ils treis cuolms duein era simbolisar las treis an-teriuras vischnauncas. La tuor dat perdetga dalla reha architectura cun baselgias, ca-pluttas, castials ed auters baghetgs, mo era dalla vasta historia e cultura vivida en quella regiun.