Administraziun communala tel.: 081 941 11 55 : e-mail: info@breil.ch
Romontsch / Deutsch / SiteMap
Tscherca sperta:
 

Actualitads dalla vischnaunca da Breil

Habitaziun Casa Quarz

da schar a tscheins

inserat habitaziun Casa Quarz.pdf
 
Emprendist/a canzlia communala Breil

Nies emprendist, Fabio Venzin, Vella, ha terminau el meins zercladur 2014 siu emprendissadi tier noss’administraziun communala cun success. Nus engraziein ad el per siu engaschi en favur dalla vischnaunca e giavischein ad el per sia veta futura mo il meglier. Alla nova emprendista, Arbelina Maralushaj, Rabius, giavischein nus ina buna entschatta e tut bien per sia scolaziun.

Suprastonza ed administraziun
communala Breil

 
Taxas da hosps e taxas turisticas

naven digl 01-01-2015

Taxas naven dils 01.01.2015.pdf
 
Aquaduct - Resultats dall'examinaziun chemica 2014

Periodicamein examineschan ils responsabels digl aquaduct da nossa vischnaunca ensemen cul laboratori cantunal e la controlla da victualias dil cantun Grischun las emprovas d’aua dalla vischnaunca da Breil. Tut las emprovas corrispundan il di dall’emprova allas pretensiuns higienicas, microbiologicas e chemicas per aua da beiber. Cheu sut publichein nus differents resultats.

Resultats dall'examinaziun chemica 2014.pdf
 
Resultats dallas votaziuns

dils 18 da matg 2014

Votaziuns dils 18-05-14.pdf
 
Lescha planisada

davart las taxas da hosps e taxas turisticas

Gemeinde Brigels_TG_2014_04_24_def1.pdf
 
Adattaziuns

nova lescha da turissem

Anpassungen neues Tourismusgesetz1.pdf
 
Inserat erfassen

Infolge Technischen Problemen können Sie derzeit keine Inserate aufgeben.

Inserate können nur durch die Gemeindeverwaltung aufgegeben werden. Diese können uns via Mail zugestellt werden. info@breil.ch

 
Lescha planisada

davart las taxas da hosps e taxas turisticas

Vernehmlassungs_Entwurf_AB zum Tourismusgesetz Surselva (3) rom1.pdf
 
Possessurs da tgauns - Cuors obligatori

Tenor la nova lescha davart la protecziun d’animals ei mintga possessur da tgauns che ha cumprau in tgaun suenter igl 01. da settember 2008 obligaus d’absolver ils cuors obligatoris.

Cuors teoretic:
Tgi che ha aunc mai possediu in tgaun ei obligaus d’absolver il cuors teoretic avon che cumprar in tgaun.

Cuors pratic:
Cun la cumpra da mintga tgaun, era sch’ins era resp. ei gia en possess d’in tgaun, sto vegnir absolviu il cuors pratic enteifer igl emprem onn da cumpra.

Per saver retrer la proxima marca da tgauns sto igl attest dil cuors vegnir presentaus alla canzlia communala.

Per ulteriuras informaziuns stein nus secapescha bugen a disposiziun.

dapli informaziuns
 
Barschar rumians d'uaul, da funs e da curtgin

La suprastonza communala fa attenta ch’il barschar rumians verds el liber ei sin fundament dall’ordinaziun federala per mantener l’aria schubra (OAP) en general scumandau e sulettamein pusseivel cun risguardar fetg restrictivas premissas! En tal connex supplichein nus da prender enconuschientscha dil fegl d’informaziun digl uffeci per la natira ed igl ambient dil cantun Grischun, il qual sa vegnir retratgs sin canzlia communala ni ch’ei era publicaus cheusuenter.
La suprastonza supplichescha vischinas e vischins da setener vid las prescripziuns vertentas e fa attenta ch’ils cuosts en cass d’in eventual incendi vegnan cumpleinamein adossai al caschunader.
Per damondas ed ulteriur sclariment stat l’administraziun communala secapescha bugen a Vossa disposiziun.

Fegl d'informaziun rumians verds.pdf
 
Pass 2010 (pass biometric)

Naven digl 01. da mars 2010 vegn mo pli il niev pass 2010 tschentaus ora. Tier in’empustaziun d’in pass 2010 ni d’in pass 2010 en cumbinaziun cun ina nova carta d’identitad ston ins s’annunziar per telefon ni internet directamein tier igl uffeci responsabel a Cuera (Ausweiszentrum Chur). Ei drova negina fotografia. Ei sto mo vegnir presentau il pass vegl e la carta d’identitad veglia.

Center da documents d'identitad Cuera
Via Gäuggeli 7
7002 Cuera

gl – gi: 08:00 – 12:00 e 13:30 – 17:00 uras
ve: 08:00 – 16:00 uras

tel. 081 257 52 20
ausweisechur@afm.gr.ch


Novas cartas d’identitad (buc en cumbinaziun cul pass) san vegnir empustadas vinavon en canzlia communala duront las uras da spurtegl cun purtar ina fotografia e la carta d’identitad veglia.

Per eventualas damondas stein nus secapescha bugen a Vossa disposiziun.

dapli informaziuns
 
Carta dil di

Cun la "Flexi card" saveis Vus viagiar cun quasi tut ils mieds da traffic publics en Svizra (tren, auto da posta, tram, bastiment, etc.). Il prezi munta a frs. 40.--.
Empustaziuns e reservaziuns vegnan pridas encunter per internet (www.breil.ch), per telefon (081 941 11 55) ni era al spurtegl dalla canzlia. Las empustaziuns dallas cartas ein definitivas! Cartas dil di empustadas san buca vegnir returnadas e ston vegnir pagadas. Per tarmetter la carta cun posta vegn quintau las spesas.
Per damondas ed ulteriuras informaziuns stein nus naturalmein bugen a Vossa disposiziun.

dapli informaziuns
 
:: Tscherca tier google
Cavazzin:
:: Tscherca numera da telefon
Num:
Liug:
Cantun:
:: Tscherca carta geografica
Liug:
:: Encurir colligiaziun VFF
Naven da:
Tochen:

Datum:
Temps: